ყურძენსა და ყურძნის ღვინოს განსაკუთრებული ადგილი უკავია ადამიანის ცხოვრებაში. კაცობრიობა ათასწლეულებია, რაც ღვინოს ამზადებს და მას როგორც დღესასწაულებზე, ისე ყოველდღიურ სასმელად იყენებს.
საქართველო დედამიწის ერთ-ერთი შესანიშნავი კუთხეა, ქართული ღვინის სახელი კი მრავალი საუკუნის წინათ იყო ცნობილი. საქმის ნამდვილი ხელოვანნი, ქართული მეღვინეები საუკეთესო გემოს, ფაქიზი არომატის, ლამაზი ფერისა და სხვა ძვირფასი ღირსებების მქონე ღვინოებს ამზადებენ და მსოფლიოს მასშტაბით ღვინის მოყვარულებისა თუ პროფესიონალი სომელიების დამსახურებულ აღიარებას მოიპოვებენ. ჩვენი კომპანიის მიზანია, რომ „ლუკასის“ ღვინომ თქვენი სუფრა დაამშვენოს და სიამოვნება მოგანიჭოთ.
2013 წლიდან საოჯახო ღვინის მწარმოებელი პატარა ბუტიკური მარანი ,,ლუკასი“ აწარმოებს განსაკუთრებული ხარისხის, ლიმიტირებული რაოდენობის ღვინოს. ღვინის წარმოებაში გამოიყენება მხოლოდ შერჩეული, საუკეთესო ყურძნის ჯიშები. ყურძნის ხარისხი მუდმივი მონიტორინგის ქვეშ არის, წარმოების ყოველი ნაბიჯი კონტროლდება და ექსკლუზიური თვისებების მისაღებად ღვინო მუხის კასრებში ძველდება.
